اسلام آباد۔ 19 جون (اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ آکھیے جو پاکستان اچ موبائل صارفین دی تعداد 20 کروڑ تئیں پڄ ڳئی اے۔ وزیراعظم شہباز شریف دے وژن موجب گورننس اچ شفافیت اَتے کارکردگی اچ بہتری کیتے ملک اچ ڈیجیٹائزیشن کیتے کوشاں ہیسے۔ موبائل فار آل پالیسی دی تشکیل اَتے سارے شہریاں کوں بلاتعطل قابل بھروسہ انٹرنیٹ ݙیوݨ کیتے سارے وسائل بروئے کار گھن آندے پیوں اے ڳالھ انہاں پاکستان ٹیلی کمیونیکیشن دے زیرِ اہتمام تقریب توں خطاب کریندے آکھی۔وفاقی وزیر آکھیا جو اڄ ٹیلی کام دے حوالے نال تاریخی ݙینھ اے، پاکستان اچ موبائل صارفین دی تعداد 20 کروڑ تئیں پڄ ڳئی اے، اے پاکستان دی صلاحیت اَتے ایں کیتے موقع ہن، عوام کنے انہاں دی طاقت ڈیجیٹل ݙیوائس موجود اے اَتے اے ملک کوں ایں توں اڳوں گھن تے ودھسن۔ انہاں آکھیا جو پاکستان اچ 35 سال توں گھٹ عمر نینگراں دی تعداد 70 فیصد اے، وزیراعظم شہباز شریف دے وژن موجب ڈیجیٹل پاکستان کیتے کوشاں ہیسے جئیں دی بنیاد ساریں کیتے ڈیجیٹل رسائی اے۔شزہ فاطمہ آکھیے جو انٹرنیٹ اَتے کنیکٹیویٹی بنیادی سہولت اے، اساں ہر شہری کیتے قابل اعتماد تکھی رفتار انٹرنیٹ ݙیوݨ یقینی بݨاوݨ کیتے اقدامات کریندے پیوں ، ایں حوالے نال وزیراعظم کجھ اہداف مقرر کیتن جیں دی او باقاعدگی نال رپورٹ ڳھندن۔ انہاں آکھیا جو موبائل براڈ بینڈ ساریں توں زیادہ استعمال کیتا ویندے، ایں حوالے ن??ل سپیکٹرم دی نیلامی اولین ترجیح اے۔ انہاں آکھیا جو موبائل براڈ بینڈ سبسکرائبر دی تعداد 15 کروڑ اے جیڑھی چنڳی ڳالھ اے ، سپیکٹرم آکشن، نیشنل فائبریشن پالیسی اَتے سب میرین کیبل اچ وادھے نال موبائ?? آپریٹر تے دٻاؤ گھٹ تھیسی۔انہاں آکھیا جو پی ٹی اے دے تعاون ن??ل سمارٹ فون فار آل پالیسی تے کم کریندے پیوں جئیں دے ذریعے ہر شہری کوں قسطاں تے موبائل فون، لیپ ٹاپس اَتے ٹیبلٹس ݙتے ویسن، طالب علماں کوں ہر سال ہک لکھ لیپ ٹاپس مفت ݙتے ویندے پئن، ہݨ تئیں اہل اَتے قابل طالب علماں اچ میرٹ تے 12 لکھ لیپ ٹاپس ونڈیے ڳئن۔انہاں آکھیے جو نیشنل ڈیجیٹائزیشن اَتے آئی ٹی برآمدات دا ودھارا ساݙی ترجیح اے، خوشی دی ڳالھ اے جو پاکستانی تریمتاں دی موبائل فون اَتے انٹرنیٹ تئیں رسائی اچ وادھا تھئے ، موبائل جینڈر گیپ 36 فیصد توں گھٹ تھی تے 25 فیصد تے آ ڳئے، ملک دی ادھی آبادی تریمتاں تے مشتمل اے، انہاں دی شمولیت نال ایکو سسٹم کوں متوازن بݨاوݨ اچ مدد ملسی۔ انہاں آکھیا جو رمضان پیکیج دے 16 ارب روپے ڈیجیٹل طریقے نال ونڈیے ڳئے، 8 لکھ تریمتاں ہک مہینے ا?? موبائل والٹ بݨائے، ایں نال شفافیت اَتے کارکردگی بہتر بݨاوݨ اچ مدد ملی۔شزہ فاطمہ خواجہ آکھیے جو ملک اچ موبائل فون صارفین دی تعداد اچ وادھے نال لوکاں دی شمولیت اچ وادھا تھیندا پئے، ہر بندے دی انٹرنیٹ تئیں رسائی بنیادی لوڑھ اے جیڑھی روزگار، تعلیم اَتے صحت سودھے ہر شعبے کیتے ضروری اے۔ انہاں آکھیے جو فائبر آپٹک کمپنیاں دے مسئلیں دے حل کیتے ہک ڈیجیٹل پورٹل قائم کیتا ویسی، فائیو جی دے آکشن اَتے ݙوجھیں تیاریاں کیتے اقدامات کیتے ویندے پئن۔ انہاں آکھیے جو آئی ٹی سیکٹر دا قومی معیشت اچ پچھلے پنج سالاں اچ 1.6 ٹریلین دا حصہ اے، مقامی موبائل مینوفیکچرر ملک دی 94 فیصد طلب پوری کریندے پئن جیڑھا ??ابل تعریف اے، مقامی برانڈ دا ودھارا ملک کیتے چنڳی ڳالھ اے، اساں عالمی مارکیٹ اچ انہاں دی رسائی کیتے کوشاں ہیسے۔ ایں موقع تے چیئرمین پی ٹی اے میجر جنرل (ر) حفیظ الرحمن وی خطاب کیتا اَتے پی ٹی اے دی کارکردگی دا ݙسایا۔
پاکستان اچ موبائل صارفین دی تعداد 20 کروڑ تئیں پڄ ڳئی اے، وفاقی وزیر شزہ فاطمہ خواجہ
اسلام آباد۔ 19 جون (اے پی پی) وفاقی وزیر انفارمیشن ٹیکنالوجی و ٹیلی کمیونیکیشن شزہ فاطمہ خواجہ آکھیے جو پاکستان اچ موبائل صارفین دی...
مضمون کا ماخذ : پاور بال انعامات
.jpg)
