اسلام آباد ۔ 24 اکتوبر (اے پی پی) وزیراعظم محمد نواز شریف ‘ مستقبل اچ حجاج کرام دی سہولت کوں ڈیکھدیں ہوئیں مدینہ منورہ اچ حج ڈائریکٹوریٹ بنڑاونڑ دی منظوری ڈے ڈتی اے جڈانجو اسلام آباد اچ موجود حج ٹریننگ ڈائریکٹوریٹ کوں ترقی ڈے کراہیں ڈائریکٹوریٹ جنرل بنڑاونڑدے احکامات وی جاری کر ڈتے گئن ۔سوموار کوں وزیر اعظم محمد نواز شریف نال وفاقی وزیر برائے مذہبی امور سردار محمد یوسف، سیکریٹری مذہبی امور مرزا سہیل عامر اتے ڈی جی حج جدہ ساجد یوسفانی وزیر اعظم ہائوس اچ ملاقات کیتی۔ایوان وزیراعظم ولوں جاری بیان دے مطابق وزیر اعظم بہترین حج انتظامات تے وفاقی وزیر اتے وزارت مذہبی امور تے حج ڈائریکٹوریٹ دے سارے ملازماں دی کوششاں کوں سراہندیں ہوئیں وزارت مذہبی امور اتے حج ڈائریکٹوریٹ دے ملازماں سانگے چارمہینیاں دی ودھیکی تنخواہواں ڈیونڑ دے احکامات جاری کیتن۔
مضمون کا ماخذ : کمپیوٹر لاٹری کے نمبر
